台北4日3夜掃街遊day1-淡水老街

去台北除夜市係必去,淡水都係一個掃街既好地方,如果情侶去既亦都可以前往情人橋 欣賞下日落。
淡水站係淡水線既最終點, 細粒和友人放下行李後就先去淡水食掃街lunch+tea,
係淡水慢慢食慢慢逛可以去一個下午的, 呢到都可以買到好多手信架~!!
細粒同友人於day 1 會去淡去和士林夜市 , 所以去完淡水就直接搭番淡水線番轉頭去市林夜市然後
再番位於中山站的酒店~同一條線的呀!真方便~~
所以大家如果還未知點plan行程..其實可以沿著捷運線去plan~


這間donut店係台灣好出名的, 好多地方都會有,裡面有超多款donut,真的會選到眼都花呢!!

中意食甜品既細粒又點會放過呢個機會, 當然未食正餐先上甜品啦!!哈哈~
裡面太多款啦! 1 次係吃不完的係回港那日於台北車站 都見到有得賣所以都有買番hk的!!~前前後後買左好多次黎吃

^皿^

這個叫燒鳥蛋,即係鵪鶉蛋~好似無咩特別,但去旅行當然咩都吃得開心又好味啦~

大猩猩是搜奇博物館 的門口, 細粒無入去睇,因為要比錢買票之餘聽講都係d動物標本,奇喱野~無咩野睇~
旅遊書都寫住"如非必要的話,可免即免"..哈哈~~~

原隻燒魷魚!好味~~!!

這個細粒覺得超讚!!鹽酥菇!好想食多次

一路沿住淡水公明街行,有太多太多野食,細粒掛住食食食都影少幾張相~~
掃完食街再行下其他街道同樣地會發現好多野食的, 呢個黑糖紅茶,其實似片糖加茶,,如果係熱天飲,真係一般。

一路行都唔記得兜左去邊,會見到一間糖果店,入面有好多女仔都好中意既糖果和朱古力!包裝好靚~款式又多~可做手信

呢個叫豬血糕,不知道係唔係真的用豬血整..但細粒覺得好...難...食...有點似芝麻糕加花生碎~真係...

呢間野係自家做的工藝小品, 可以吹出唔同既音調~送比大人細路都會好中意~細粒都買左好幾個比朋友
距有好多唔同造形~ 真係好得意~

食完逛下,,逛都累又搵下野食..台北之旅一早預左唔係食就逛~
呢間叫文化阿給, 右手面個舊野就係阿給~外面有點似腐皮既味道同質地包住唔知咩野-3-..可以一試~
右手面是魚丸, 我比較喜歡吃這個, 外面是魚肉丸,有魚味!內面都有一d肉既物體~細粒無去研究,一野放晒入口就趙趙趙啦~

食食逛逛甘就到左黃昏啦!..行去港口睇下日落又行下睇下有咩食先-3-v
原來港口都好多野食,而且有有休憩公園~幾休閒架~
下面幾粒野係炸牛奶!吃個時小心熱呢~~

呢幾舊...唔記得左係咩啦~哈哈..吃得太多野,吃左咩都忘記了..

黃昏既淡水都幾靚, 但係如果想係港口影相就唔好黃昏先去啦!因為西斜,,哈哈哈,,

唔知呢個信箱..放左信入去係咪就有幸福呢(*^v^*)

總結: 細粒覺得去台北~一定要去淡水呢個地方~因為有好多特式手信都可以係到買到!
          情侶黎呢到可以行下情人橋 ~睇下日落~最重要係真係好多野食!!!! 

*＊**下一站: 市林夜市