台北4日3夜掃街遊day2-饒河街夜市

講起台北, 大家都會聯想到夜市, 士林夜市 大家都應該聽慣聽熟啦~係day 1 細粒同友人已經去左~
所以係day2 細粒就去另外一個都幾出名既 饒河街夜市 , 甘多夜市點解選呢到呢?最大原因係因為天書既排行位置屬於NO.2!
去饒河街夜市 係比其他熱門夜市麻煩小小~ 好多夜市都係搭捷運係某某站出沿某某路就到達~
但這個夜市就要先搭捷運去台北車站 再轉火車(台鐵)到松山站~
不過其實車程都唔耐的~同埋未搭過台灣既火車, 就一於趁呢個機會感受下啦~~

到左台北車站 後依指示往台鐵台北站的方向行, 不用出捷運站(就好似係尖沙咀轉東鐵甘)
去到台鐵個邊就會有車票賣, 記憶中係NT18 至NT20一張票~買完票往第四月台搭車就可以了~

提示: 如果車程唔耐, 就甘買普通車票就得架啦~貴d個種係劃位的~如果真係想坐,可以坐一d無人坐既位
          唔會比人查票既~~到時如果有乘客係買左劃位票,而你坐左佢個位,讓反比距就ok la (友人教的)

松山火車站落左車後依指示牌往八德路方向前進~~行一陣就到了
提示: 記得留意反最後班火車係幾點開出呀~!! 

饒河街夜市 係一個相當地道既夜市, 面積唔算太大, 一個晚上可以行得晒既~~ 
有食檔,有買精品/衣物攤檔, 都有小商品, 同香港既女人街好似~~

呢個夜市有些食店係可以叫左野食再坐低慢慢嘆既~~

整甲,賣衫,連倉鼠青蛙都有得賣!! 雜不甩~乜都有~

呢碗係鴨血~~味道好濃~中意食豬紅既應該都中意食~~

胡椒餅係台北一種好地道既食物, 係呢到可以找得到!!

不過可能細粒對"包"一般般,雖然都幾好食, 但食左幾啖就放棄了,,哈哈~~

又見到愛玉你啦!!(好似人名)

呢間係天書推介的~不過細粒無食蟹~臨走時買左同細粒一樣細細粒既螺反酒店食因為先前係西門町食左好多野,其實都5,6成飽架啦~

所以細粒同友人決定可以帶走既就帶反酒店到做夜宵!!嘿嘿~~

就係呢堆細細粒!!睇落好似無咩肉食,但d汁入晒粒螺入面~慢慢細味~送啤酒簡直無得彈!

市林都有既臭叔臭豆腐~~

除左食~呢到都有一檔好特色既精品賣, 話說係天氣好就會開花,落雨就會訓教既植物寵物(其實係死物黎,,)

有好多size比客人選~細粒就選左可以吊係鎖匙或包包既樽仔size黎送比好朋友~
以下呢個既size係大過一隻雞蛋的~因為影出黎效果幾令~所以post呢張~

因反時間,細粒同友人係夜市買完"外賣"就搭火車反台北車站 再轉車去中山站反酒店了~~

係等車既時候,見到呢個..其實都幾好既,岩晒1,2個女仔去夜街~
不過唔知係咪有多幾盞閉路睇實你呢~~

除左士林(舊)同呢個夜市,其實仲有好多係捷運站格黎既夜市比大家選~如果大家唔想轉車
可以去師大夜市~呢個都係幾出名的~ 細粒的同事都推介呢個夜市~
不過細粒既4日3夜, day3 都係去反士林, 因為day 1只係掃左士林既一小部分,唔多甘心~
所以唯有下次去台灣先去師大啦~~

day 3-- 華山文化園區之鬼太郎妖怪樂園/ hello kitty sweet 餐廳/ 台北101/ 細粒獨行俠最後衝刺手信篇and再戰士林(舊)

台北4日3夜掃街遊day2-西門町

西門町是好多女仔去台北一定要去既地方, 因為係shopping既聖地之一, 但細粒去西門町純粹係因為人地話要去...
細粒唔係shopping狂人,所以都係抱住個"參觀"既心態去行下呢個地方~
去西門町搭捷運去西門町站就可以了~
呢到比細粒既感覺都係似香港的銅鑼灣~旺角~ 有人做街頭show,有商店,大型商場又有攤檔~ 
如果中意shopping既你, 應該係西門町可以有好豐富既收獲~
但係對"濕平"一般般反而想食好野既你~去西門町都可以滿足到你~~~
除非本身有一些特定品牌或商店要去~其實去西門町唔洗再拎住本天書的啦!! 因為西門町商店食店密密麻麻,
一路行一路買一路食一路掃係最好既攻略!


一出捷運就可以見到呢個大熒幕的啦~

細粒同友人第一站去左西門紅樓先, 紅樓入面有一些商店,多數都係自家品牌既野...
但其實唔買去睇下都唔錯, 因為可以見到別人用心甘創立自己既品牌同店舖~
逢星期5,6,日下午開始紅樓出面都會{創意市集} 大家可以計劃下去選購一些有心思有創意既小精品做手信~

係入面細粒都買左小小野, 因為入面既精品大部分都唔係屬於好平好抵~
但勝在別具心思~~

睇店面都睇得出店主真係好用心甘創立自己既店舖~~真係好特別~

___________________________________________________________________
行完紅樓,我地就出發去大戰西門町大街!!!!!!!

因為細粒無咩想買,都係閒逛~見到得意既商店就走入去混下吉~
周圍影下~(係o甘咦啦~~)

講到尾,,,細粒都係著重係美食個方面...
這個係燒麻糬~好好吃~好"煙un"~有唔同口味比客人選~

一直掃落去~仲有很多都睇落好美味既野食~~大部分都排晒隊的~為左食~好討厭排隊既細粒都無所謂了~~

仲有旅遊書大力推介的阿宗面線~~其實同香港既食既台灣面線唔會有好大分別, 但勝在係台灣食!!哈哈

排隊買左之後店出面有d椅子比大家坐住食, 但唔好唸住係坐低慢慢嘆~因為椅子有限,但食既人數太多
大部分人都係企係到堂食~~面線有大碗細碗選~因為晏點仲要去掃夜市,所以面線甘飽肚既野都係同友人開心share 啦~

除左食店, 都有些街邊檔賣小食~大部分都係台北地道既小食~~細粒當然唔會放過啦~~

呢間係賣野飲既, 呢個哥哥不停甘"聊"細粒幫襯距, 知道細粒黎自香港仲講左幾句好唔正既廣大話,
雖然距好用心, 但細粒係無幫襯距架!原因係已經好飽了...哈哈~

_____________________________________________________________________

西門町真有好多新潮得意既野買~ 價錢有平有貴, 同香港差唔多~~但款式多好多特別好多~

如果大家係打算去shopping既話..準備大出血吧!!

係西門町食到好飽~~但細粒同友人仲有個好重要既地方要去!!所以..要係黎緊既短時間內快速消化晒岩岩食過既野!!!

因為下一站係去饒河街夜市 ~~大掃除!!!!

台北4日3夜掃街遊day2- 中山站Mayu Cafe+圓山站台北故事館

前一篇講到去完超多野食既士林夜市 之後,由於當日係清晨5:30-6:00就出發去機場,所以細粒同友人就回酒店大覺訓了
不過如果各位唔怕累既朋友仔,其實去完夜市仲可以去當地既clubbing,有朋友講過台灣的clubbing個場靚過香港好多
好玩過香港好多不過細粒同友人都無興趣~所以未能告知~ 
於day 2, 細粒同友人訓到成11點先起床~~由於食唔到酒店既早餐,細粒同友人就去左中山站既Mayu Cafe
記憶中,離酒店10-15分鐘路程~但如果各位係係中山捷運站去的話,於1號出口,沿捷運大道往長安西路,係長安西路右轉直行,
見到當代藝術館,旁邊就係了~~
mayu 的門面~

裡面的裝潢都好有心思好特別,歐陸風的感覺, 幾舒服寫意~

甜品都整得好精緻,睇落好好食~甜食係所有女士難以抵擋既誘惑~~

距每日都會有時日精選~睇旅遊書講餐廳既甜品會因季節而不同

燈燈都好靚~~~~~

除左一件件買之外, 餐廳都會有menu可供客人點餐~~我和友人一人點左一個套餐

份量唔大, 當下午茶3,5知己坐低嘆下真係好休閒~~不過細粒係當早餐~~haha!
價錢大約NT200一個餐, 以甘既食物質素同環境絕對係超值~

食左個肥人早餐之後, 細粒同友人搭捷運到圓山站既台北故事館 ~落車要行一大段路先去到~
細粒同友人仲迷左路要用GPS先找到~~ 不過去到先知...細粒擺左烏龍
因為細粒心目中並唔係去呢間架~入到去...覺得無野睇..環境係幾靚既,但可以唔去都得,,,,
因為入面好細, 幾野就行完...

入到故事館,主題係講"money" 有好多唔同既"money"....無其他野睇架啦~!@@ 
細粒心目中其實係想去"台灣故事博物館"既, 但去左"台北故事館 ",,,
聽人講"台灣故事博物館"都幾多野睇~係展覽番舊台灣既風貌~ 不過唔擺都擺左烏龍,無理由唔影下相既..~

無啦.......  真係無野好睇-3-~~所以都係出發去下一站啦~~~

下一站西門町~